Futbollisti i Llapit transferohet te Hajduku i Splitit
Sport
July 07, 2020 - 20:43
Lajmet e fundit nga sporti
Futbollisti i Llapit, Hajdin Salihu do të vazhdoj karrierën te skuadra kroate, Hajduk Split.
Kapiteni i kombëtares U19 të Kosovës ka arritur tashmë marrëveshje me skuadrën kroate.
Lajmin e ka konfirmuar trajneri i Llapit, Tahir Batatina në emisionin “Koha Shtesë” në “Super Sport Kosova”.
Ai ka thënë se Hajdini është dashur të jetë në Kroaci me 7 korrik për testet mjekësore, por dy klubet kanë arritur marrëveshje që kjo të shtyhet shkaku i ndeshjeve të rëndësishme të Llapit.
Ai do të jetë te skuadra nga Podujeva edhe në këto pesë ndeshjet e fundit derisa më pas do të bëhet pjesë e Hajdukut.
18 vjeçari te skuadra kroate do të zë vendin e Ardian Ismailit i cili pritet që gjatë afatit kalimtar të verës të kaloj në ligën italiane.