Leao shpërthen ndaj gazetarit, pas humbjes së Milanit nga Roma
Ylli i Milanit, Rafael Leao, pati një konfrontim të zemëruar me një gazetar pas humbjes 1-0 të skuadrës së tij ndaj Romës në çerekfinalet e Ligës së Evropës.
Skuadra e Stefano Piolit u mposht me rezultat minimal 1-0 në “San Siro”, me Gianluca Mancinin që shënoi golin e vetëm të lojës në minutën e 17-të. Pas garës, ku Leao u ul në pjesën e dytë, 24-vjeçari e ktheu zemërimin e tij ndaj një gazetari në zonën mikse.
Reprezentuesi portugez mund të shihet duke humbur disi gjakftohtësinë e tij gjatë ndërveprimit me gazetarin pas humbjes së Romës në San Siro.
Mësohet se gazetari në fjalë ka thënë: “Ja, Leao po largohet nga [stadiumi]” dhe disa çaste më vonë, ish-lojtari i Lilles dhe Sporting Lisbonës thuhet se ka pyetur: “Çfarë dreqin doni?”.
Kujtojmë se ndeshja kthyese do të zhvillohet javën e ardhshme në stadiumin “Olimpico”, në orën 21:00. /Zëri
ë Rafael #Leao "Do your job well," he says to a journalist.pic.twitter.com/oWEubLD51f
— Milan Posts (@MilanPosts) April 11, 2024
