“Bomba” e mbrëmjes: Xhevdet Shabani mund të largohet nga Drita?
Në kuadër të javës së 22-të në Superligën e Kosovës, dje dhe sot janë zhvilluar tri ndeshje interesante.
Dramën në "Riza Lushta" e fitoi FC Prishtina ndaj Trepçës '89 (1:2), ku goli i fitores u shënua në fund të takimit, shkruan "Zeri.info".
Ndërkaq, sot, Llapi mposhti Ballkanin 1:0, derisa Drita u rikthye te fitoret duke mposhtur Besën 3:1 në shtëpi.
Analisti Granit Begolli e ka komentuar ndeshjen Drita - Besa, derisa zbulon diçka edhe për futbollistin e gjilanasve Xhevdet Shabani.
"Dritës i është nevojitur kjo fitore pas krizës së rezultateve", deklaroi Begolli në "ATV".
"Sa i përket futbollistit Xhevdet Shabani, mund të ndryshojë ambient në fund të edicionit", tregoi ai.
"Skuadër po, por ngjyra jo. Mbetet të shihet. Kam disa informata", zbuloi Granit Begolli. /Zeri.info