Policia e konfirmon zjarrin e shtëpisë dykatëshe në Prishtinë, një person pranoi tretman mjekësor

Policia e Kosovës ka konfirmuar se një shtëpi dykatëshe në rrugën “Nexhmi Llumnica” në Kodrën e Trimave të Prishtinës u përfshi nga zjarri.

Zëdhënësi i Policisë për rajonin e Prishtinës, Enis Pllana tha se një person ka pranuar tretman mjekësor, ndërsa policia ndodhet në vendin e ngjarje.

Pak më parë, zëvendëskomandanti i Brigadës së Zjarrfikësve, Abdusamed Shkodra, tha se zjarri është lokalizuar, por zjarrfikësit po vazhdojnë të kujdestarojnë.

“Policia dhe zjarrfikësit kanë dalë në vendin e ngjarjes pas raportimit për zjarr në një shtëpi në Kodrën e Trimave. Një person ka pranuar trajtim mjekësor”, ka deklaruar Pllana.

Ai shtoi se aktualisht po zhvillohen hetime për të sqaruar rrethanat dhe detajet e rastit.

Autoritetet nuk kanë dhënë ende informacione shtesë lidhur me shkakun e zjarrit.