Drita e pëson në sekondat e fundit, eliminohet nga kualifikimet e Ligës së Kampionëve

Drita është përshëndetur nga kualifikimet e Ligës së Kampionëve.

Kampionia e Kosovës pësoi në “Fadil Vokrri” me rezultat 2:3 nga ekipi nga Lituania, Kauno Zalgiris.

Ndeshja e parë në Lituani u mbyll me rezultat të barabartë, duke lënë gjithçka hapur për ndeshjen e kthimit.

Megjithatë, sonte fundi ishte tragjik për gjilanasit.

Slivka kaloi mysafirët në epërsi në minutën e nëntë të ndeshjes, para se Igball Jashari të barazonte 11 minuta më vonë, rezultat me të cilin u mbyll pjesa e parë.

Në të dytën, Drita e nisi fuqishëm, duke kaluar në epërsi nëpërmjet Arb Manajt në minutën e 53-të.

Në minutën e 82-të, Slivka barazoi shifrat, kurse në minutën e katërt shtesë, Bechaib shënoi nga penalltia për 2:3.

Por, ky nuk do të jetë fundi i Dritës në garat europiane.

Tani, “Intelektualët” do të vazhdojnë garën në kualifikimet për Ligën e Konferencës.