Në fundjavë nis seria finale në basketboll, Trepça përballë Bashkimit

Finalja e madhe e play-off-it të Superligës së Kosovës në basketboll do të vërë përballë dy gjigantët e basketbollit të Kosovës, Trepçën dhe Bashkimin.

Në finale ndeshen kampioni kundër nënkampionit, ose vendi i parë kundër të dytit, sa i përket garave të rregullta.

Gjithashtu këto dy skuadra u sfiduan në dy finalet e Kupës së Kosovës, ku fituan mitrovicasit, duke i bërë finalet edhe më interesante.

Në edicionin e kaluar “Xehetarët” fituan në serinë finale 4:2, ku u zhvilluan gjashtë përballje të jashtëzakonshme.

Mitrovicasit kërkojnë sërish të triumfojnë në kampionat, derisa portokallezinjtë synojnë titullin e dytë në histori.

Finalet fillojnë të dielën në Mitrovicë nga ora 19:30, derisa kampion shpallet skuadra që shënon katër fitore.

Dy sfidat e para zhvillohen në Mitrovicë e më pas dy të ardhshmet në Prizren.

Orari

E diel

19:30, Trepça – Bashkimi.