Pamje nga sulmi që iu bë shtëpisë së shqiptarit në Veri të Mitrovicës

Një shtëpi mbrëmjen e së enjtes është përfshirë nga një zjarrvënie në lagjen e Doktorëve në Veri të Mitrovicës. Motivet momentalisht janë të panjohura rreth këtij akti, por policia ka konfirmuar se përveç dëmeve materiale nuk ka njerëz të lënduar.

Pamjet e shtëpisë së djegur janë publikuar në Facebook nga miqtë e pronarit të shtëpisë.

Lajmin për këtë rast e ka konfirmuar zëvendësdrejtori i Policisë së Kosovës për rajonin e veriut të Mitrovicës, Besim Hoti.

Hoti tha se nuk ka persona të lënduar dhe janë shënuar vetëm dëme materiale.

Sipas tij, Policia e Kosovës deri më tani ende nuk e ka identifikuar kryesin e kësaj vepre.

“Është zjarrvënie dhe shkaktim i rrezikut të përgjithshëm. Të lënduar nuk ka, vetëm dëme materiale”, ka thënë Hoti.