Tërmeti 5.4 ballë godet Pakistanin, lëkundjet ndihen në disa zona

Një tërmet me magnitudë 5.4 ballë të shkallës Rihter goditi Pakistanin në orët e para të mëngjesit të së shtunës, sipas Qendrës Sizmologjike Evropiane-Mesdhetare (EMSC).

Lëkundja sizmike u regjistrua në orën 03:06 me orën lokale, me epiqendër rreth 63 kilometra në veri-verilindje të Barkhanit dhe në një thellësi prej rreth 10 kilometrash.

Tërmeti u ndje në një zonë të gjerë të vendit, duke shkaktuar shqetësim te banorët, megjithatë deri më tani nuk ka raportime për viktima apo dëme të mëdha materiale.

Autoritetet pakistaneze vijojnë të monitorojnë situatën dhe lëkundjet pasuese, ndërsa ekipet përkatëse janë në gatishmëri për të vlerësuar çdo pasojë të mundshme.