Vrasja e trefishtë: Provat e reja rihapin rastin “Gllogjani”

Në Gjykatën e Pejës ishte planifikuar që sot të jepet verdikti për vrasjen e trefishtë në Gllogjan.

Kjo nuk u bë pasi trupi gjykues mori një vendim krejt tjetër.

Gjykata e Pejës mori vendim për rihapjen e rastit.

Në Gllogjan, rreth 5 vjet më parë u gjuajt me breshëri plumbash autobusi që po vinte nga Gjakova në Deçan.

Për këtë janë akuzuar Halil Mehmetaj, bashkë me dy djemtë e tij, Kastriotin e Kreshnikun.

Sipas prokurorisë, kjo ndodhi për të iu hakmarrë shoferit të autobusit që dyshohet se ishte shkaku që motra e tyre ia mori jetën vetes. Ata organizuan dhe vranë Gani Gjokajn, ku e pësuan edhe Ledion Hamza e Gentiana Mustafa që po ktheheshin nga shkolla.