Rama takon tregtarët e kryeqytetit, u prezanton projektin për transofrmimin e Tregut të Gjelbër

Kryetari i komunës së Prishtinës, Përparim Rama ka njoftuar se ka takuar tregtarët e kqyeqytetit.

Përmes, një postimi në profilin e tij në rrjetin social Facebook, Rama ka shkruar se me ta ka ndarë projektin për transformimin e Tregut të Gjelbër.

“Transformimet më të mira ndërtohen në bashkëpunim me ata që e zhvillojnë këtë hapësirë çdo ditë”, ka shkruar ai.

Postimi i plotë:

Një hapësirë moderne, funksionale dhe e denjë për tregtarët tanë.

Sot mirëprita tregtarët e Kryeqytetit, me të cilët ndamë projektin për transformimin e Tregut të Gjelbër dhe diskutuam idetë, nevojat dhe pritjet e tyre. Me këtë transformim po krijojmë kushte më të mira pune dhe një hapësirë që i jep jetë ekonomisë lokale.

Transformimet më të mira ndërtohen në bashkëpunim me ata që e zhvillojnë këtë hapësirë çdo ditë.