Familja Jashari e falënderon Osmanin pasi ia ndau Rifat Jasharit “Urdhrin e Lirisë”

Ushtruesja e detyrës së presidentes, Vjosa Osmani për nder të 28 Nëntorit, Ditës së Flamurit, i ka ndarë Rifat Jasharit “Urdhrin e Lirisë”.

Për këtë në emër të familjes Jashari, sot Bekim Jashari ka falënderuar Osmanin për respektin që ka treguar për këtë familje dhe në veçanti, Rifat Jasharit.

Ai ka treguar se Rifat Jashari për shkak të gjendjes me pandeminë, tash e sa kohë ndodhet në Gjermani.

“Në emrin tim dhe të familjes Jashari, falënderoj U.D Presidenten për nderin dhe respektin e treguar ndaj familjes sonë dhe në veçanti mixhës Rifat.Për shkak të gjendjes pandemike, mixha Rifat, tash e sa kohë ndodhet në Gjermani, por me mendje e me zemër edhe sot si në çdo ditë tjetër është me ne”, ka shkruar Bekim Jashari./Zëri