Xhavit Drenori mbështet Driton Ajazin në Drenas

Xhavit Drenori, i cili ishte në garë për zgjedhjet lokale ishte me iniciativën “Green për Drenasin”, ka dalë publikisht në mbështetje të kandidatit Driton Ajazi nga “Demokratët për Drenasin”.

Drenori ka marrë pjesë në tubimin elektoral të Ajazit, ndërsa ka thënë se mbështetin ndryshimin në Drenas, për çka ka ftuar qytetarët që të votojnë “Demokratët për Drenasin” në balotazhin e 14 nëntorit, transmeton Zeri.info.

“Gjërat që na bashkojnë janë shumë më shumë sesa dallimet në mes nesh, prandaj gjithmonë do të jemi kundër keqqeverisjes, dukurive negative në shoqëri dhe pro interesave të qytetarëve të respektuar të Drenasit. Më 14 nëntor ne votojmë 182, pra Driton Ajazi për kryetar. Ju ftojmë edhe juve!”, ka shkruar Drenori.

Kujtojmë se në garën për balotazh në Drenas janë Ramiz Lladrovci (PDK) dhe Driton Ajazi (Demokratët për Drenasin). /Zëri