LDK-ja prin me vota me kusht në Dragash

Në Qendrën e Numërimit dhe Rezultateve janë numëruar votat me kusht në zgjedhjet lokale të 17 tetorit.

Kandidati për kryetar të Dragashit nga radhët e LDK-së, Behxhet Xheladini ka marrë më së shumti vota nga këto vota.

Xheladini prin me 72 vota, ndërsa pas tij është kandidati i Partisë Demokratike të Kosovës, Shaban Shabani, me 61 vota.

I treti është kandidati i partisë VAKAT, Adem Redzeplar, me 41 vota.

Ndërkaq, kandidatja e Lëvizjes Vetëvendosje Kaltrina Salihu, ka marrë 24 vota. /Zëri