Pacolli: LVV-ja do të dalë fituese në komunat më të fuqishme të vendit

Deputetja e LVV-së, Fitore Pacolli ka thënë se ecuria e procesit zgjedhor ka qenë për çdo lëvdatë, raporton Zeri.info.

Pacolli thotë se Kosova ka treguar që është shembull për rajonin që të organizojë zgjedhje pa incidente.

“Ecuria e procesit zgjedhor është për çdo lëvdatë. Kemi treguar që jemi shembull për gjithë rajonin, për aftësinë tonë që të organizojmë zgjedhje pa incidente. Ju bëj thirrje komisionarëve që të vazhdojnë me vigjilencë ruajtjen e vullnetit qytetarë”, ka tha ajo.

Sipas Pacollit, kundërthëniet mes exit polleve të prezantuara nëpër kanale televizive janë jo serioze.

Ajo tha se rezultatin final do ta qartësojnë fuqishëm në ngritjen e paprecedent të LVV-së në raport me zgjedhjet e fundit në nivel lokal.

“Rastin dhe rezultatin final do ta qartësojmë fuqishëm ngritjen e paprecedent e LVV-së në raport me zgjedhjet e fundit në nivel lokal. Ku numri përgjithshëm i votave tona dhe besimi qytetarë presim se do të dyfishohet”, ka thënë Pacolli.

Deputetja e Lëvizjes Vetëvendosje thotë se LVV-ja do të del fituese në komunat më të fuqishme të vendit.

“Rezultatet finale do të dëshmojnë edhe njëherë që në garë ka qenë Lëvizja Vetëvendosje kundrejt subjekteve tjera. LVV-ja do të del fituese në komunat më të fuqishme të vendit dhe do të jetë në balotazh me numrin më ta madh të komunave në Republikë. Ku do që të jemi në balotazh do të fitojmë”, ka thënë Pacolli.

Pacolli ka thënë se shpenzuan më së paku para dhe sipas saj kanë mbështetjen më të madhe të qytetarëve.

“Në bëmë më së paku fushatë dhe dolëm të parët. Ne shpenzuam më së paku para dhe kemi mbështetjen më të madhe, dhe kjo fletë shumë për populli nuk dorëzohet ndaj atyre që kanë më së shumti”, përfundoi ajo. /Zëri