Çitaku: Rezultatet e para janë shumë pozitive për PDK-në

Nënkryetarja e PDK-së, Vlora Çitaku, ka thënë se informacionet e para janë shumë pozitive për Partinë Demokratike të Kosovës.

Çitaku ka ftuar të gjithë komisionarët dhe vëzhguesit që me saktësi të numërojnë çdo fletëvotim dhe votë, raporton Zeri.info.

“Ftojmë të gjithë komisionarët dhe vëzhguesit që të numërojnë më saktësi çdo fletëvotim dhe votë, sot ishte dita vendimtare për të ardhmen katërvjeçare të Kosovës”, tha ajo.

Ajo tha se pret me padurim konfirmimin zyrtar të KQZ-së.

“Sipas informacioneve nga vëzhguesit tanë që janë të angazhuar gjithandej në Kosovë, rezultatet e para janë shumë pozitive për Partinë Demokratike të Kosovës. Tani presim me durim konfirmimin zyrtar nga Komisioni Qendror i Zgjedhjeve”, tha Çitaku. /Zëri