Voton Haziri, ditën e diel e quan “ditë të bardhë”

Kandidati për kryetar të komunës së Gjilanit nga Lidhja Demokratike e Kosovës, Lutfi Haziri, nën përcjelljen e bashkëshortes dhe vajzave të tij ka shfrytëzuar të drejtën e votës.

Haziri teksa ka ftuar qytetarët që të dalin dhe të votojnë ka uruar që kjo ditë të përfundojë ashtu siç ka filluar, në mënyrë të qetë e solemne.

Postimi i plotë:

Uroj që kjo ditë e bardhë të përfundojë ashtu siç ka filluar, në mënyrë të qetë e solemne.

Qytetarët e Gjilanit gjithmonë kanë treguar interesim për pjesëmarrje në zgjedhje dhe apeloj që secili të dalë për ta shfrytëzuar të drejtën për të votuar edhe kësaj radhe për fatin e qytetit të tyre.

Falënderoj të gjithë për interesimin e madh, duke përfshirë edhe bashkatdhetarët tanë dhe kjo na bën të vlerësuar. Ju faleminderit shumë. Do të mbetem gjithmonë Luta juaj!