Jashari në përmbyllje të fushatës: Do të vazhdoj të jem i juaji në jetësim të idealit dhe amanetit të dëshmorëve

Kryetari aktual i Skenderajt njëherësh kandidat edhe për një mandat në këtë komunë, Bekim Jashari, ka mbajtur tubimin përmbylles të fushatës elektorale.

Në tubim prezent për t’a përkrahur atë ishte edhe agja i tij Rifat Jashari dhe familjarët tjerë.

Jashari u zotua para pjesëmarrësve se do ta bëjë jetësim të Idealit dhe amanetit të dëshmorëve.

“Betohem para jush qytetarë të dashur që do të vazhdoj të jem i juaji, për ju, për të gjithë, në hap me mixhën e dashur Rifat Jashari, në jetësim të Idealit dhe amanetit të dëshmorëve, martirëve, veteranëve, invalidëve e luftëtarëve të Ushtrisë Çlirimtare të Kosovës, në krye me Komandantin Legjendar Adem Jashari. Faleminderit Skenderaj, Faleminderit Drenica ime! Na priftë e mbara e shihemi të dielën në mbrëmje, në festën e madhe”, tha Jashari. /Zëri