Halili: Mbështetja juaj gjatë gjithë kësaj fushate do të përkthehet edhe në kutitë e votimit

Kandidati për kryetar të Ferizajt nga radhët e AAK-së, Arben Halili beson se mbështetja e ferizajasve gjatë fushatës, do të përkthehet edhe në kutitë e votimit të dielën.

Përmes një postimi në Facebook, Halili falënderon qytetarët e Ferizajt për mundin e tyre “që sa më shumë të shpërndahet vizioni ynë për qeverisjen në aleancë me qytetarët”.

“Në mbyllje të fushatës zgjedhore, rrugëtimit tonë për qeverisjen e Ferizajt në aleancë me qytetarët, kam njohur shumë nga problemet tuaja me të cilat ballafaqoheni çdo ditë, njëkohësisht jam krenar për zgjidhjen e shumë prej tyre gjatë gjithë shërbimin tim publik në resorin e shërbimeve publike dhe emergjencave. Jam besimplotë se mbështetja juaj e manifestuar gjatë gjithë kësaj fushate, do të përkthehet edhe në kutitë e votimit këtë të diele, andaj më lejoni t'ju shpreh falënderimin tim të sinqertë, për gjithë mundin tuaj, që sa më shumë të shpërndahet vizioni ynë për qeverisjen në aleancë me qytetarët”, ka shkruar ai.

Krejt në fund, Halili i fton qytetarët që pasivisht të dalin në votime.

“Këtë të diele, ju ftoj që masivisht të dilni në votime, për ta bërë realitet vizionin tonë e për t'i dhënë fuqi vendimmarrëse, qeverisjes sonë në aleancë me qytetarë”, tha ai. /Zëri