Rama takohet me pronarë të qenve, diskutojnë për problemet me qentë endacakë

Kandidati i LDK-së për kryetar të Prishtinës, Përparim Rama, ka njoftuar për takimet që ka zhvilluar sot.

Rama ka bërë të ditur se gjatë ditës është takuar me pronarë të qenve, me të cilët ka diskutuar për problemet me qentë endacakë.

Ai po ashtu ka theksuar se është takuar për kafe me të rinjtë nga Qyteti i Vjetër i Prishtinës dhe qendrën tregtare “Albi Mall”.

“Në secilin prej takimeve folëm për problemet që i shqetësojnë banorët tanë dhe mënyrat e zgjidhjes së këtyre problemeve. Bashkëpunimi është shumë i rëndësishëm për ndërtimin e qytetit tonë. Bashkë për Prishtinën e ëndrrave!”, ka thënë Rama. /Zëri