Bekim Jashari merr mbështetje nga mësimdhënësit dhe veteranët e arsimit në Drenicë

Kryetarit të Komunës së Skenderajt, Bekim Jashari, i kanë dalë në përkrahje edhe mësimdhënësit dhe veteranit më të shquar të trojeve të Drenicës.

“Mbështetje maksimale nga ish-mësimdhënësit e mi dhe gjeneratave të shumta të Drenicës, veteranë të arsimit, personalitete të shquara të vendit tonë”, tha Jashari.

Jashari së bashku me ta vizituan objektin e vjetër të gjimnazit “Hamëz Jashari”, të cilën qeverisja e kaluar kishte planifikuar ta rrënonte, ndërsa kjo gjë u parandalua nga vetë Jashari.

“Bashkë me ta vizituam objektin e vjetër të gjimnazit 'Hamëz Jashari', të cilin pa mëshirshëm deshën ta rrënonin për ndërtim të lartë. Objektin më të vjetër dhe me histori në vete, të cilin ne me marrëveshjen që kemi nënshkruar me Fondin e Kosovës për Efiçiencë të Energjisë do ta rinovojmë dhe do ta fusim në listën e trashëgimisë kulturore”, tha Jashari.