Rama shpalos programin e tij para banorëve të Tophanes

Kandidati për kryetar të Prishtinës nga radhët e LDK-së, Përparim Rama, ka vazhduar takimet me qytetarët, në kuadër të fushatës zgjedhore për zgjedhjet e 17 tetorit.

Gjatë ditës së sotme, Rama së bashku me anëtarin e Kryesisë së LDK-së, Besian Mustafa, kanë vizituar qytetarët e lagjes Tophane, te të cilët ka shpalosur programin e tij.

“Njerëzit e këtij qyteti janë njerëz punëtorë dhe gjithmonë të gatshëm për të bashkëpunuar për ndërtimin e qytetit tonë. Së bashku me Besian Mustafën takuam banorët e lagjes Tophane, me të cilët folëm për nevojat që ka kjo lagje, siç janë: ndriçimi, siguria, parkingu dhe grumbullimi i mbeturinave. Po ashtu, shpalosëm programin tonë.Bashkë për Prishtinën e ëndrrave!”, ka shkruar Rama në Facebook. /Zëri