Bekë Berisha zotohet për ndërtimin e urës në Kaliqan të Istogut

Kandidati i AAK-së për kryetar të Istogut, Bekë Berisha ka vizituar banorët e lagjes Osmanaj në Kaliqan.

Berisha ka thënë se këta banorë kanë problem mosfunksionimin e urës, e cila sipas tij është premtuar nga qeverisja aktuale por nuk është përfunduar ende.

Ai thotë se së bashku me kandidatën për asamble të kësaj partie janë zotuar për ndërtimin e kësaj ure.

“Projektet e lëna pezull nga komuna mungojnë pothuajse në çdo fshat. Banorët e lagjes Osmanaj, në Kaliqan kanë problem mosfunksionimin e urës, e cila është premtuar nga qeverisja aktuale, por nuk është përfunduar ende. Bashkë me kandidaten për Asamble, të listës sonë Ajshe Metaj, u zotuam se projekti për ndërtimin e kësaj ure, do të zbatohet gjatë udhëheqjes sonë katër vjeçare. Bashkërisht ndryshimi po na vjen!”, ka shkruar ai në një postim në Facebook. /Zëri