KQZ-ja mund t’i shpallë sot rezultatet përfundimtare

KQZ-ja mund t’i shpallë sot rezultatet përfundimtare

Zgjedhjet 2021 March 03, 2021 - 08:04

Zëdhënësi i Komisionit Qendror të Zgjedhjeve (KQZ), Valmir Elezi, ka lënë të hapur mundësinë që të mërkurën të përmbyllet i gjithë procesi i numërimit të votave dhe KQZ-ja t’i shpallë rezultatet përfundimtare.

Elezi ka thënë se nuk mund të thuhet me saktësi se procesi do të përfundojë sot, por ka mundësi që kjo të ndodhë.

“Besoj që nëse arrijmë që brenda një kohe optimale gjatë ditës së mërkurë të përmbyllim procesin e numërimit, KQZ-ja do të mundë t’i shpallë rezultatet përfundimtare të këtyre zgjedhjeve”, ka thënë Elezi, shkruan gazeta “Express”.

Të martën nisi numërimi i votave nga diaspora, pas përfundimit të atyre me kusht dhe të personave me aftësi të kufizuara.