LDK-ja në pritje të numërimit të votave, pas rezultateve del para mediave

Zëdhënësja e Shtabit Zgjedhor të LDK-së, Ardita Dushi ka dal në një konferencë për media e cila ka njoftuar se janë mbyllur të gjitha qendrat e votimit, raporton Zeri.info.

Dushi ka thënë se janë në pritje të numërimit të votave në të gjitha qendrat e votimit teksa tha se pas përfundimit të rezultateve, LDK-ja do të del para mediave që të prononcohet në lidhje me rezultatet.

“Janë mbyllur të gjitha qendrat e votimit dhe procesi i zgjedhjeve ka përfunduar. Ne jemi në pritje të numërimit të votave në të gjitha komunat dhe qendrat e votimit, pas përfundimit LDK-ja do të del para mediave dhe do të pronocohet zyrtarisht në lidhje me rezultatet dhe mbarëvajtjen e procesit zgjedhor në përgjithësi”, tha ajo.

Ndërkaq, Dushi ka ftuar të gjithë komisionarët dhe vëzhguesit që me përgjithësi të kryejnë punën e tyre.

“LDK-ja falënderon të gjithë komisionarët dhe vëzhguesit për angazhimin e tyre dhe ftojmë që me përgjithësi të kryejnë punën me të cilën janë ngarkuar”, ka përfunduar ajo./Zëri