Ambasadori Kosnett qytetarëve të Kosovës: Dilni votoni për të ardhmen tuaj
Zgjedhjet 2021
February 14, 2021 - 13:25
Ambasadori i Shteteve të Bashkuara të Amerikës në Kosovë, Philip Kosnett, ka inkurajuar qytetarët e Kosovës që të dalin dhe të votojnë sot në këto zgjedhje.
“Mos lejoni që COVID-19 t’ju parandalojë për të votuar, qytetarët e Kosovës janë ata që do të vendosin për vendin e tyre. SHBA-ja do të shohë një proces të drejtë zgjedhor, pra zgjedhje të lira e të drejta. Qytetarët e vendit janë ata që vendosin për të ardhmen, SHBA-ja nuk ka rezultat të parapëlqyer”, tha ai për RTK-në.
Ai ka ftuar qytetarët e vendit nëse shohin ndonjë parregullsi të raportojnë tek organet e rendit.
“Nëse keni informata te vërteta, ndani këto informata me Prokurorinë, Policinë, KQZ-në e mediat”, tha ai.
