Voton Isa Mustafa: Qytetarët të dalin në votime, të votojnë për demokratizim dhe forcim të shtetit

Edhe kreu i LDK-së, Isa Mustafa ka bërë hedhjen e votës në qendrën e votimit në shkollën fillore “Emin Duraku”, raporton Zeri.info.

Përkundër motit me borë, Mustafa kërkoi nga qytetarët që të shfrytëzojnë të drejtën e tyre për votë e të dalin të votojnë.

“Sot kisha dashur të ftoj të gjithë qytetarët, edhe për shkak të motit të keq të dalin të votojnë dhe të shfrytëzojnë të drejtën e tyre. Shpresoj që të gjithë qytetarët do të votojnë për demokratizimin e vendit, forcimin e shtetit dhe prosporitet”, u shpreh ai. /Zëri