Mbërrijnë në vend fletëvotimet për zgjedhjet e së dielës

Kanë mbërrirë në vend fletëvotimet për zgjedhjet e 14 shkurtit, raporton Zeri.info.

Zëdhënësi i KQZ-së, Valmir Elezi ka bërë të ditur për “Zërin” se fletëvotimet do të shpërndahen të shtunën në depot e Komisioneve Komunale të Zgjedhjeve.

Ndërkaq, të dielën në mëngjes do të shpërndahen për në 888 qendra të votimit.

“Të shtunën do të shpërndahen në depot e Komisioneve Komunale të Zgjedhjeve, ndërsa të dielën në mëngjes për në 888 qendra të votimit të cilat kanë gjithsej 2 mijë e 382 vendvotimet”.

Ai theksoi se bazuar në listën përfundimtare të votuesve, votues me të drejtë vote për këto zgjedhje janë 1 milion 794 mijë e 862 votues, ndërsa janë shtypur 1 milion e 617 mijë e 200 fletëvotime.

“Bazuar në Listën Përfundimtare të Votuesve, votues me të drejtë vote për këto zgjedhje janë 1 milion 794 mijë e 862 votues, ndërsa janë shtypur 1 milion e 617 mijë e 200 fletëvotime përfshirë fletëvotimet rezervë. Rrjedhimisht i bie se janë shtypur 177 mijë e 662 fletëvotime më pak se numri i votuesve apo në përqindje 9,89 % më pak”, ka thënë Elezi për “Zërin”. /Zëri