Limaj thotë se në Podujevë mori mbështetje për kauzën e tij për mbrojtjen dhe promovimin e vlerave kombëtare

Gjatë ditës së sotme, kreu i Nismës Socialdemokrate, Fatmir Limaj ka vizituar Podujevën.

Limaj tha se bashkëluftëtarë e të rinj të kësaj komune tashmë po angazhohen fuqishëm në mbështetje të kauzës së Nismës për rikthimin e së vërtetës dhe ruajtjen e vlerës së UÇK-së.

“Me mbështetjen e njerëzve të mirë e me plotë vullnet, që sot takova pranë zyrave tona dhe në kafiteritë e qytetit të Podujevës, jetësimi i kauzës sonë do të jetë më i lehtë dhe zëri mbrojtës i vlerave tona më sublime do të jehojë edhe më fuqishëm në Parlament", ka shkruar ai në “Facebook”. /Zëri