FC Suhareka bën katër përforcime të reja

FC Suhareka i ka ndezur motorët për sezonin e ardhshëm.

Ky klub u riorganizua pak ditë më parë në prag të edicionit të ri dhe tash ka nisur t’i përvjelë mëngët.

Pasi e zyrtarizoi trajnerin Muhamet Dragusha, klubi i Ligës së Parë ka nisur të bëjë përforcime për edicionin e ri, ku synon të jetë protagonist.

Vetëm dje e sot, suharekasit i kanë bërë katër përforcime, të cilat i kanë zyrtarizuar përmes faqes zyrtare në Facebook.

Dje, fillimisht ekipi i verdhë e zyrtarizoi mesfushorin Diellor Beseni, i cili e përforcon kështu repartin ofanziv të ekipit.

Më pas, suharekasit mirëseardhje i uruan portierit nga Libani, Mohamad Taha, i cili do të jetë gardiani i ri i ekipit.

Gjithashtu dje Suhareka e mirëpriti edhe portierin tjetër, Malsor Bajraktari.

Kurse sot ky ekip njoftoi për rikthimin e lojtarit me përvojë, Liridon Fetahaj.

Paraprakisht, ditë më parë suharekasit ishin përforcuar edhe me Agron Bruqin dhe Joseph Chigozie Okonkwo.