Zyrtare: Prishtina përforcohet me Drilon Islamin dhe Albin Krasniqin
Prishtina ka transferuar zyrtarisht Drilon Islamin dhe Albin Krasniqin.
Përmes një postimi në faqen e tyre zyrtare klubi kryeqytetas prezantoi dyshen.
Islami dhe Krasniqi, së fundmi ishin pjesë e Ferizajt (në gjashtë muajt e fundit), duke bërë paraqitje të mira.
Dyshja kanë nënshkruar kontratë dy-vjeçare me klubin më të trofeshëm në Kosovë. /Zeri.info
Postimet e plota (pa ndërhyrje):
Mirë se vjen Albin Krasniqi
Mesfushori ofensivë, Albin Krasniqi, 22 vjeç, i lindur më 03.06.2001 në Kaçanik, ish-futbollisti i Shkollës së futbollit Dinamo nga Ferizaj, FC Drita dhe FC Ferizaj, ka pranuar ofertën për kontratë 2-vjeçare me klubin tonë.
“Mendoj që ëndërr e çdo futbollisti nga Kosova është që ta vesh njëherë fanellën e Prishtinës. Kam ndjenjë të pa përshkruar, mezi pres t’ia fillojmë përgatitjeve dhe që sa më shpejtë të paraqitem para një tifozerie siç e ka Prishtina”.
Mirë se vjen Drilon Islami
Mesfushori defensivë i qendrës, Drilon Islami, 22 vjeç, i lindur më 18.07.2000 Ferizaj, ish-futbollisti i Shkollës së futbollit Dinamo nga Ferizaj, FC Drita dhe FC Ferizaj, iu është bindur ofertës së klubit tonë për dy vitet e ardhshme.
“Është arritje imja e madhe që pas përformancës së treguar në Ferizaj, të më bind skuadra më e madhe në vend, FC Prishtina. E vërtet që kam pasur edhe oferta tjera, por është vështirë t’i thuash jo Prishtinës. Është klubi më i madh në Kosovë dhe është nder që të veshi fanellën e saj”.
