Man Utd merr vendimin për Greenwoodin
Mason Greenwoodit i është thënë se ai nuk do të rikthehet në stërvitjet me Manchester United së paku deri në sezonin e ardhshëm, me hetimin ndërkombëtar të klubit për arrestimin e tij për akuzat për përdhunim, që nuk ka gjasa të përfundojë para verës, raporton ‘Daily Mail’.
21 vjeçari është suspenduar nga United që nga muaji janar i vitit 2022, kur dolën për herë të parë akuzat për tentativë përdhunimi dhe sulmi, që çuan në arrestimin dhe akuzimin e tij, por të gjitha akuzat u hoqën nga Policia e Madhe e Manchesterit, transmeton lajmi.net.
Greenwood mësohet se ka biseduar gjerë me zyrtarët e United në javët e fundit, ku lojtari e ka theksuar dëshirën e tij për t’u rikthyer sa më shpejt të jetë e mundur dhe për të mbetur në ‘Old Trafford’, ku ka kontratë deri në vitin 2025.
United është i bindur se nuk do të nxitojë për të marrë një vendim dhe po vazhdon të bëjë kujdesin e duhur për rrethanat që lidhen me arrestimin e tij dhe sjelljen e tij jashtë fushës.
Man United është duke u përballur me një dilemë të vështirë etike, njerëzore, komerciale dhe financiare në lidhje me Greenwood, ndërkohë që ka gjithashtu është i vetëdijshëm se marrja e një vendimi në dy muajt e ardhshëm mund të pengojë gjasat për kualifikim në Ligën e Kampionëve dhe edicionin aktual në FA Cup dhe Ligën e Evropës.
Raportohet se klubi është i ndarë për këtë çështje, me stafin në departamentin e futbollit që argumenton se atij duhet t’i jepet një shans i dytë, por drejtuesit komercialë janë më të kujdesshëm mes shqetësimeve për dëmtimin e mundshëm të reputacionit të United.
Sponsorët Nike, EA Sports dhe Cadbury u larguan të gjithë nga Greenwood pasi u shfaqën akuzat për herë të parë, ndërsa fanella e tij nuk është më në shitje, megjithëse numri i tij 11 i skuadrës nuk është ndryshuar.
