Notat e Arbër Zenelit, Valon Berishës dhe Bersant Celinës në humbjet e sotme në Ligën 1

Valon Berisha dhe Arbër Zeneli nuk kanë arritur ta shpëtojnë Reimsin nga humbja sot në kuadër të kampionatit elitar francez, Liga 1.

Në "Stade Municipal Saint-Symphonen", Metzi arriti të regjistrojë fitore ndaj Reimsit me rezultat të ngushtë, 2:1, shkruan "Zeri.info".

Berisha dhe Zeneli startuan nga minuta e parë në këtë ndeshje, por pa lënë ndonjë gjurmë sot.

Berisha luajti 90 minuta, kurse Zeneli vetëm 68 minuta në këtë ndeshje jo të mirë të Reimsit.

Nga "WhoScored", Berisha u vlerësua me notën 6.4, kurse Zeneli me notën 7.2.

Humbje sot pësoi edhe Dijoni, aty ku aktivizohet fantazisti i Kosovës, Bersant Celina.

Celina luajti 86 minuta në këtë ndeshje, por nuk ndihmoi skuadrën e tij për t'iu shmangur humbjes 1:0 nga Strasbourgu.

Ai u vlerësua me notën 6.3 nga "WhoScored". /Zeri.info