Kanosi tre zyrtarë policorë, arrestohet i dyshuari në Ferizaj

Është arrestuar një person, pasi ka kanosur tre zyrtarë policorë në Ferizaj.

“Është arrestuar i dyshuari mashkull kosovar, pasi nuk i është bindur urdhrit policor dhe më pas ka kanosur tre zyrtarë policorë që ishin në kryerje të detyrës zyrtare”, thuhet në raportin 24-orësh të Policisë së Kosovës.

Gjatë arrestimit i dyshuari kishte rezistuar dhe si pasojë ka pësuar lëndime, për çka edhe ka pranuar trajtim mjekësor.

Me vendim të prokurorit, i dyshuari është dërguar në mbajtje.