SHBA-ja vlerëson lart punën e kryeprokurorit Blerim Isufaj

Aktuale September 25, 2026 - 11:58

E ngarkuara me punë e Ambasadës së SHBA-së në Kosovë, Anu Prattipati, është takuar me kryeprokurorin e Prokurorisë Speciale të Kosovës (SPRK), Blerim Isufaj.

Sipas Ambasadës Amerikane, në takim është diskutuar vazhdimi i bashkëpunimit mes SHBA-së dhe SPRK-së në luftimin e kërcënimeve ndaj sigurisë kombëtare të Shteteve të Bashkuara, transmeton Zeri.info.

Në fokus të diskutimeve ishin terrorizmi, kontrabanda e drogës dhe e emigrantëve, krimet kibernetike, si dhe organizatat kriminale transnacionale.

“Dje, e ngarkuara me punë Anu Prattipati u takua me kryeprokurorin e Prokurorisë Speciale të Kosovës, Blerim Isufaj, për të diskutuar vazhdimin e bashkëpunimit tonë të suksesshëm me SPRK-në”, thuhet në njoftimin e Ambasadës së SHBA-së.

Ambasada theksoi se bashkëpunimi do të fokusohet në adresimin e këtyre kërcënimeve dhe forcimin e përpjekjeve të përbashkëta kundër krimit të organizuar. /Zëri

SHBA-ja vlerëson lart punën e kryeprokurorit Blerim Isufaj

Haxhiu për Ligjin e Speciales: Refuzoj...

Tahiri: S’ka seriozitet e vullnet politik për...

Kuvendi do të mblidhet të hënën, për deklaratën e përbashkët kundër vendimit të Speciales

Tahiri: 16 shtatori ishte ditë e zezë për Kosovën, Kuvendi duhet të reagojë

ZPS-ja kërkon që Thaçit të mos i llogaritet paraburgimi në çështjen e pengimit të drejtësisë – do gjashtë vjet shtesë burg

Vuçiqi akuzon Rashqin se me mbështetjen për Listën Studentore “po zbaton urdhrat” e Kurtit

Haziri: Sonte edhe nën shi, bashkë për UÇK-në

Kuvendi Komunal i Prishtinës miraton propozim – vendimin themelimin e “Pastrimit”