Vlora Hyseni del nga GJKKO-ja, iu komunikua masa e sigurisë “Arrest në shtëpi”

Ish-drejtoresha e Shërbimit Informativ të Shtetit, Vlora Hyseni, ka dalë nga ambientet e Gjykatës së Posaçme kundër Korrupsionit dhe Krimit të Organizuar (GJKKO), ku iu komunikua masa e sigurisë “Arrest në shtëpi”.

Pas përfundimit të seancës, Hyseni u largua nga godina e gjykatës pa bërë asnjë deklaratë për mediat. Ajo është nën hetim në kuadër të procedimit të SPAK-ut, ku dyshohet për veprat penale të “Përkrahjes së autorit të krimit” dhe “Zbulimit të akteve ose të dhënave sekrete”.

Çështja lidhet me hetimet që kanë nisur nga dosja ndaj biznesmenit Ergys Agasi, ndërsa ndaj Hysenit më herët ishte vendosur edhe pezullimi nga detyra.