Pritje të shkurtra në pikat kufitare të Kosovës, s’ka kolona të gjata

Qendra Kombëtare për Menaxhim Kufitar (QKMK) ka bërë të ditur se aktualisht nuk ka kolona të gjata në pikat e kalimit kufitar të Kosovës, ndërsa qarkullimi i automjeteve po zhvillohet pa probleme.

Sipas të dhënave të përditësuara, pritjet në shumicën e pikave kufitare janë vetëm tre deri në pesë minuta, ndërsa në pikat më të ngarkuara ato nuk zgjasin më shumë se dhjetë minuta.