Ish-ministri gjerman, Roth: Një ministre serbe po fantazon hapur për “spastrimin etnik” të Kosovës
Ish-ministri gjerman Michael Roth ka reaguar ashpër ndaj deklaratës së ministres serbe, Snezhana Paunoviq, e cila ka thënë se po të ishte në vend të Sllobodan Millosheviqit “do ta kishte spastruar etnikisht Kosovën” qysh në vitin 1998.
Roth e ka cilësuar si “të trishtueshme dhe frustruese” një deklaratë të tillë, duke ngritur pyetje për rrugën evropiane të Serbisë.
“Një ministër serb fantazon hapur për “spastrimin etnik” të Kosovës. Dhe pothuajse nuk ka asnjë kundërshtim në politikë apo në shoqëri. Si është e mundur që një vend të anëtarësohet në BE në këtë mënyrë?”, ka shkruar Roth.
Ai ka shtuar se retorika e tillë nuk kontribuon në ndërtimin e marrëdhënieve dhe partneriteteve.
“Urrejtja dhe nacionalizmi nuk ndërtojnë partneritet. Kjo është thjesht e trishtueshme dhe frustruese”, ka shkruar ai.
A Serbian minister openly fantasises about “ethnically cleansing” Kosovo. And barely any pushback in politics or in society. How is a country meant to join the EU like this? Hate and nationalism build no partnership. This is just sad and frustrating. pic.twitter.com/YKUn2O8FVp
— Michael Roth ë (@MiRo_SPD) July 15, 2026
