LDK-ja e lë të hapur diskutimin për partitë e tjera, thotë Abdixhiku

Kryetari i Lidhjes Demokratike të Kosovës, Lumir Abdixhiku, foli para mediave për takimin e zhvilluar me kryeministrin Albin Kurti në lidhje me zgjedhjen e presidentit.

Ai u shpreh se në këtë takim nuk u arrit ndonjë marrëveshje, raporton Zeri.info.

I pyetur nëse kanë dështuar përpjekjet për president, ai tha se LDK-ja e lë të hapur diskutimin për partitë e tjera dhe se nuk mund të bëjë më shumë asgjë.

“U dakorduam me Kurtin që të mos takohemi më, i harxhuam 53 ditë dhe nuk gjetëm zgjidhje, prandaj s’ka më kuptim të vazhdojmë takimet”, theksoi i pari i LDK-së. /Zëri