150 automjete me regjistrim të skaduar gjatë korrikut në Mitrovicë
Aktuale
August 06, 2021 - 15:09
Gjatë muajit korrik zyrtarët policorë në Mitrovicë kanë identifikuar 150 automjete me regjistrim të skaduar.
Ndaj këtyre kundërvajtësve janë shqiptuar gjoba dhe 150 automjeteve të identifikuara me regjistrim të skaduar u janë sekuestruar targat. Automjetet janë larguar nga trafiku rrugor.
“Policia e Kosovës në kuadër të Drejtorisë Rajonale të Policisë në Mitrovicën e Jugut, po vazhdon me angazhimet operative në fushën e sigurisë, ku Njësia e Reagimit të Shpejtë vazhdon me angazhim dhe përkushtim maksimal në mbështetje të njësive dhe sektorëve të tjerë në nivel rajoni”, thuhet në njoftim. /Zëri