Ledri Vula bëhet nënkryetar i klubit më të madh në vend
Klubi basketbollistik i Prishtinës po vazhdon emërimet për bordin udhëheqës për vitet e ardhshme.
Me 2 shtator të këtij viti, KB Prishtina ka rizgjedhur përsëri Blerand Stavilecin si kryetar të klubit, ndërsa tani do të fillojë edhe emërimin e posteve tjera udhëheqësve.
Sipas burimeve të GazetaBlic, klubi basketbollistik, Z-Mobile Prishtina do ta emërojë edhe nënkryetarin e klubit dhe ai do të jetë, Ledri Vula.
Reperi i njohur shqiptar, Ledri Vula do të zyrtarizohet si nënkryetar i klubit – në një konferencë për media.
Vula ka qenë gjithmonë i lidhur me sportin e basketbollit dhe në të kaluarën ka qenë edhe lojtar aktiv, ndërsa tani do të marrë rol drejtues në klubin bardhë e kaltër.
Vlen të ceket se KB Z-Mobile Prishtina të enjten nga ora 20:00 fillon kampanjën e kualifikimeve për Ligën e Kampionëve kundër kampionit aktual dhe të shumëfishtë holandez, Donar Groningen.