Vetëm një ditë pas përurimit, shkunden dritat te emri i stadiumit ‘Fadil Vokrri’ (FOTO)
Ka pak ditë që stadiumi i kryeqytetit në Kosovë mori emrin e legjendës së futbollit, “Fadil Vokrri”.
Vendosja e shkronjave të emrit u prit me entuziazëm nga qytetarët e Prishtinës, edhe më tepër kur ato në mbrëmje u ndezën për t’i dhënë kështu stadiumit një pamje të mrekullueshme.
Ndërsa dje u bë edhe hapja zyrtare e stadiumit ku u mbajt edhe ndeshja Prishtina – Drita.
Por vetëm një ditë pas hapjes zyrtare, emri i Fadil Vokrrit nuk shkëlqen më. Si duket dritat janë dobësuar shpejt dhe tashmë, vetëm disa shkronja ndriçojnë, duke e lënë mangët emrin e futbollistit dhe duke i dhënë një pamje të keqe stadiumit.
Ish-kryetari i Federatës së Futbollit të Kosovës, Vokrri vdiq më 9 qershor të këtij viti, në moshën 57-vjeçare, pas një sulmi në zemër gjatë orëve të para të mëngjesit.
Ai njihet si legjendë e futbollit kosovar.
