Në Francë janë të sigurt se cili do të jetë trajneri i Paris SG
Sport
April 24, 2018 - 20:59
Trajneri i ardhshëm i Paris SG do të jetë Thomas Tuchel.
Për këtë është i bindur “Canal Plus”, sipas të cilës trajneri gjerman ka firmosur me klubin parisien për dy sezonet e ardhshme, me opsionin për ta shtyrë kontratën për një sezon të tretë.
Për të zyrtarizuar marrëveshjen klubi francez po pret fundin e finales së Kupës së Francës, më 8 maj, si shenjë respekti karshi trajnerit aktual Unai Emery, që fitoi titullin kampion në Ligue 1, shkruan telesport.
Te PSG, Tuchel do të ketë fuqi të plotë vendimmarrje të merkato.
I dashuruar pas lojës së bukur, trajneri gjerman është i fiksuar pas detajeve ku përfshihet edhe dieta e futbollistëve.
Lojtarëve të Dortmund nuk i lejoheshin makaronat, picat, pijet me gaz, çokollatat dhe ëmbëlsirat.