Zbulohet orari, ja kur zhvillohet xhiroja e ardhshme e Superligës!
Faza e tretë e sezonit në Superligën e futbollit do të nisë në mesjavë, shkruan zeri.info.
Të mërkurën do të zhvillohen pesë ndeshje, në kuadër të xhiros së 23-të, ndërsa të enjten një tjetër.
Pa dyshim, derbi i kësaj xhiroje do të zhvillohet të mërkurën në Pejë, ku do të përballen dy skuadrat që vjet luajtën në Evropë për herë të parë, Prishtina dhe Trepça ’89.
Drita e pret Drenicën në kërkim të fitores, pasi një gabim tjetër mund të ishte fatal për gjilanasit, të cilët e kërkojnë ende titullin e kampionit.
Liria e pret Vëllaznimin në ngritje e sipër, në derbin e skuadrave fqinje, kurse Llapi do të mundohet t’i harrojë katër humbjet radhazi për ta mposhtur Vllazninë në shtëpi.
Edhe Feronikeli, që nuk po tregohet dhe aq stabil, e do fitoren ndaj Besës në shtëpi.
Kurse, të enjten mbyllet kjo xhiro me ndeshjen ndërmjet Gjilanit dhe Flamurtarit. Ndeshjet fillojnë në orën 14:00. /Zëri/
Superliga – Java e 23-të
E mërkurë
Drita – Drenica
Prishtina – Trepça ‘89
Liria – Vëllaznimi
Llapi – Vllaznia
Feronikeli – Besa
E enjte
Gjilani – Flamurtari
Ndeshjet fillojnë në orën 14:00