Unai Emery në radarin e gjigantëve, Aston Villa beson në qëndrimin e trajnerit

Trajneri i Aston Villës, Unai Emery, ka tërhequr vëmendjen e dy prej klubeve më të mëdha në Evropë, Manchester United dhe Real Madrid.

Sipas raportimeve, emri i teknikut spanjoll është futur në listën e dëshirave të të dy klubeve, që po monitorojnë situatën e tij pas punës mbresëlënëse që ka bërë me Aston Villan.

Megjithatë, nga ana tjetër, drejtuesit e klubit anglez mbeten të qetë dhe besimplotë se Emery do të vazhdojë projektin në “Villa Park”, duke qenë një figurë kyçe në ngritjen e skuadrës në nivele më të larta.

Forma dhe rezultatet pozitive të Aston Villas nën drejtimin e tij kanë bërë që Emery të rikthehet në qendër të vëmendjes së elitës evropiane, por për momentin, e ardhmja e tij duket ende e lidhur me klubin anglez.