"Kam harruar tashmë”, Arteta flet për kolapsin e Arsenalit sezonin e kaluar
Mikel Arteta ka thënë se ka “harruar” kolapsin e Arsenalit sezonin e kaluar pasi skuadra e tij ruajti shpresat e saj për titull në Premierligë duke mposhtur Brightonin.
Arsenali shkoi në krye të Premierligës me një fitore mbresëlënëse 3-0 në Amex të shtunën. Golat e Bukayo Sakas, Kai Havertz dhe ish-lojtari i Brightonit, Leandro Trossardit, siguruan që ata të mposhtën Liverpoolin dhe Manchester Cityn për të kryesuar grupin me një pikë të vetme.
Pas ndeshjes, trajneri i Topçinjve, Arteta u pyet se si skuadra e tij hodhi poshtë epërsinë e tyre në krye të ligës - me spanjollin që u përgjigj në një mënyrë në dukje të pavëmendshme.
Kur iu drejtua 42-vjeçarit për atë që ndodhi me Arsenalin në këtë fazë të sezonit vitin e kaluar, ai u tha gazetarëve përmes “Football London”: “E kam harruar tashmë”.
Arteta shtoi: “Unë nuk e di [nëse ka ndonjë ndryshim në mentalitetin e skuadrës së tij këtë sezon]. Mendoj se jemi në një moment vërtet të mirë. Ne e kemi skuadrën të shëndetshme me një energji vërtet të mirë dhe shumë besim individualisht dhe kolektivisht. Ne duhet të vazhdojmë të bëjmë atë që po bëjmë”. /Zëri