Në pamundësi që ta ndjekin ndeshjen nga “Karagaçi” në përkrahje të Trepçës, “Torcida” me plan “B”

Në pamundësi që ta ndjekin ndeshjen nga “Karagaçi” në përkrahje të Trepçës, “Torcida” me plan “B”

Sport May 19, 2022 - 15:15
Lajmet e Fundit nga Sporti

Sonte (e enjte) Peja dhe Trepça do të zhvillojnë ndeshjen e katërt gjysmëfinale të “Play-offit” të Superligës së basketbollit, shkruan Zeri.info.

Ndeshja do të zhvillohet në palestrën “Karagaçi”, me fillim nga orën 20:30.

Por, tifozët mitrovicas nuk do të mundë ta përkrahin Trepçën në palestrën “Karagaçi”.

Kjo për faktin se Federata e Basketbollit të Kosovës (FBK) ka vendosur që në ndeshjen e sotme prezentë të jenë tifozë të vetëm 25 për qind të kapacitetit të palestrës, e që ata do të jenë pejanë.

Në fakt, Peja ishte dënuar me dy ndeshje pa praninë e tifozëve shkaku i incidenteve që ndodhën në ndeshjen e tretë gjysmëfinale.

Por, FBK-ja e zbuti dënimin e pejanëve.

E tash, në pamundësi për të qenë në “Karagaçi”, tifogrupi “Torcida” do të shfytëzojë një mundësi të mire për tifozët e tyre.

Tifogrupi mitrovicas përmes një postimi në faqen zyrtare në “Facebook” njoftuan se së bashku me Komunën e Mitrovicës dhe klubin basketbollistik Trepça do ta organizojnë përcjelljen e ndeshjes së sotme në një projektor gjigant në folenë e tyre, palestrën “Minatori”.

Kujtojmë se Trepça prin 2-1 në serinë e ndeshjeve gjysmëfinale të “play-offit”, teksa sonte do të synojë finalen, kurse Peja ta barazojë serinë. /Zeri.info