Leicester City rrezikon pozitën e tretë, mposhtet në shtëpi nga Newcastle United
Sport
May 07, 2021 - 22:52
Lajmet e fundit nga sporti
Pas barazimit me Southamptonin, Leicester City sonte ka pësuar humbje në Premier Ligë, duke rrezikuar kështu pozitën e tretë në tabelë, shkruan Zeri.info.
Në ndeshjen e vlefshme për javën e 35-të, “Dhelprat” pësuan humbje në shtëpi nga Newcastle United.
Ndeshja e zhvilluar në “King Power Stadium” ka përfunduar me rezultatin 2-4.
Callum Wilson shkëlqeu me dy gola në fitoren e mysafirëve, teksa nga një shënuan edhe Joe Willock e Paul Dummett.
Marc Albrighton dhe Kelechi Ihenacho shënuan golat për vendasit.
Leicester City mbetet me 63 pikë në pozitën e tretë, dy më shumë se Chelsea që nesër (e shtunë) takohet me Manchester Cityn.
Kurse, Newcastle United tani ka 39 pikë dhe ndodhet në pozitën e 13-të. /Zeri.info