Pësuan gjashtë gola për dy ndeshje, Gjilani nuk është më me mbrojtjen më të mirë në Superligë
Sport
December 05, 2020 - 18:30
Skuadra e SC Gjilanit ka pësuar humbje në Mitrovicë përballë Trepçës ’89, raporton “Zeri.info”.
“Xehtarët” arkëtuan tre pikë fal fitores 3:0 ndaj “kuqebardhëve” në javën e 16-të në elitën e futbollit kosovar.
Ekipi nga Anamorava në 13 ndeshje kishte pranuar vetëm gjashtë gola, por në dy takimet e fundit ndaj Dritës dhe Trepçës ’89 pësuan gjashtë të tjerë dhe kjo bëri që të humbin primatin e mbrojtjes më të mirë.
Mbrojtja më e mirë tani është ajo e FC Prishtinës dhe Dritës që kanë nga 10 gola të pranuar.
Momentalisht Gjilani është në pozitën e katërt në tabelë dhe ka grumbulluar 23 pikë dhe ndodhet larg vendit të parë 12 pikë. /Zeri.info