Zyrtare: Emin Bajrami zyrtarizohet trajner te klubi që u formua rishtas
Trajneri Emin Bajrami është zyrtarizuar sot si “timonier” i skuadrës Shkëndija nga Hajvalia, raporton Zeri.info.
Lajmi është konfirmuar nga vet klubi i paralagjes së Prishtinës.
Klubi i Futbollit Shkëndija nga Hajvalia i formuar në vitin 2017 deri më tani ka operuar vetëm si shkollë të futbollit, ndërsa nga ky edicion do të jetë pjesë e garave me të gjitha grupmoshat, përfshirë ekipin e parë.
KF Shkëndija, tashmë ka siguruar mbështetjen e korporatës M-Technologie (pjesë e Mabetex Group) e cila do të jetë sponsor i klubit në projektin e ri.
Shkëndija në edicionin e ardhshëm do t'i nis garat nga Liga e Dytë.
Krahas këtij ekipi, në fshatin Hajvali që ndodhet afër Prishtinës është themeluar edhe klubi Hajvalia 2020 që drejtohet nga këngëtari Mehedin Përgjegjaj i njohur si “Meda”. /Zeri.info