Nora Gjakova mposhtet nga xhudistja bullgare, por luftën për medalje do ta vazhdojë me këtë sportiste

Nora Gjakova ka pësuar humbje në çerekfinalen e Kampionatit Botëror të xhudos “Tokio 2019”, në kategorinë deri në 57 kilogramë.

Me këtë humbje, xhudistja nga Kosova do të jetë në garë tani për medaljen e bronztë, të cilën së fundmi e fituan Majlinda Kelmendi dhe Distria Krasniqi në kategoritë përkatëse, raporton Zëri.info.

Në çerekfinale, Gjakova pësoi humbje nga bullgarja Ivelina Ilieva, derisa kjo e fundit tashmë ka vazhduar në gjysmëfinale..

Në përballjen e parë për ta fituar medaljen e bronztë, Gjakova do të përballet me xhudisten nga Franca Sarah Leonie Cysique.

Sot në Kampionatin Botëror të xhudos, Kosova u përfaqësua edhe nga Akil Gjakova, i cili u eliminua në rrethin e tretë duke dështuar t’i sigurojë vendit të tij një medalje./Zëri.info